Диетолог қартаюдың алдын алатын тағамдарды атады

Диетолог Елена Соломатина дұрыс тамақтану арқылы денсаулықты сақтауға көмектесетін және жақсартуға әсер ететін тағамдарды тізіп берді. Бұл туралы Stan.kz ақпарат агенттігі "Вечерний Москва" басылымына сілтеме жасап хабарлайды.

Фото: chto-proishodit.ru

50 жастан асқан адамдарда жасына байланысты метаболизм (зат алмасу) баяулайды. Ағзадағы басқа процестер нашарлап, созылмалы аурулардың өршу қаупі артады. 

Соломатина жастықты сақтауға көмектесетін өнімдердің қатарына макарон мен сұлы ұнын қосты. Тізімге теңіз өнімдері, теңіз балығы, нан және жарма, ашытылған сүт өнімдері мен витаминдік кешендер кіреді.

"Кондитерлік өнімдерді, тәттілерді, қант қосылған сода, ет, зиянды майлары бар тағамдарды тұтынуды шектеуіңіз керек", – деді Елена Соломатина. 

Ол осы жастағы дұрыс тамақтанбау семіздікке, атеросклерозға, артериялық гипертензияға және жүрек-қан тамырлары ауруларына әкелетінін баса айтты.