Соңғы жаңалықтар

ДДСҰ коронавирустың ауыр түрін емдейтін жалғыз тиімді дәріні атады

Дексаметазон вирустың ауыр түрімен ауыратын науқастарда COVID-19 үшін жалғыз тиімді емдік құрал болып қала береді. Бұл туралы Дүниежүзілік денсаулық сақтау ұйымының бас директоры Тедрос Адханом Гебрейюс мәлімдеді, деп хабарлайды  Stan.kz ақпарат агенттігі.

антибиотик

"Қазіргі уақытта кортикостероид дексаметазон вирустың ауыр түрімен ауыратын науқастарда COVID-19-ға қарсы тиімділікті көрсеткен жалғыз емдік дәрі болып қала береді", - деді ол.

ДДСҰ дәрігерлер COVID-19-бен күресу үшін қолдануға тырысқан төрт танымал дәрі-дәрмектің алты ай ішінде жүргізілген зерттеуге негізделген алдын ала мәліметтерін жариялады.

Ұйымның сараптамалық бағалауына сәйкес, лопинавир, ритонавир, гидроксилхлорохин және ремдесивир COVID-19 жұқтырған пациенттер арасындағы өлімді төмендетуде тиімсіз болған.

Жоғарыда аталған коронавирусқа қарcы төрт дәрі-дәрмектің клиникалық сынақтары наурыз айының соңында басталды. Зерттеуге 30 елден 11 мың пациент қатысты.

Нәтижесінде, бірде-бір препарат пациенттердің өміршеңдігіне, ауруханада болу ұзақтығына, жасанды желдету қажеттілігін анықтауда айтарлықтай әсер еткен жоқ.

ДДСҰ басшысының айтуынша, қазіргі уақытта коронавирусқа қарсы күресте қолданылуы керек "көптеген басқа дәрі-дәрмек тексерілуде".

Талқылау
Пікір
Қазір оқып жатыр
Çàãðóçêà...
Қазір оқып жатыр