ДДСҰ коронавирустың әлдеқайда қауіпті штаммы пайда болуы мүмкін екенін мәлімдеді
Дүниежүзілік денсаулық сақтау ұйымының басшысы Тедрос Адан Гебрейесус коронавирустың “дельта” нұсқасынан гөрі қауіпті штаммының пайда болуы мүмкін екенін айтты, деп хабарлайды Stan.kz ақпарат агенттігі.
ДДСҰ басшысы бұл туралы Токиода Халықаралық Олимпиада комитетінің 138-сессиясында сөйлеген сөзінде айтты.
"Вирустың таралуы неғұрлым кең болса, соғұрлым жаңа нұсқалар пайда болады. Дәл қазір үлкен зиян келтіріп отырған “дельта” штаммынан да қауіпті штаммдар пайда болуы ықтимал. Вакцина арқылы вирустың таралуын тоқтата аламыз", – деп атап өтті Гебрейесус.
Өз сөзі кезінде Гебрейесус Токиодағы Олимпиада ойындары коронавирус пандемиясы аясында қауіпсіз өтеді деген үмітін де білдірді.
Еске салайық, Токио Олимпиадасы пандемияға байланысты бір жылға шегерілген болатын. Биылғы ойындар 23 шілде мен 8 тамыз аралығында өтеді деп жоспарланған.
Талқылау
Қазақстандық көпбалалы ана "Асар Уме" қайырымдылық қорын апатты үй берді деп айыптады
Екінші топ оқырмандар көпбалалы ананың қанағатсыздығын сынады
"70 күннен аса жүрдік": Қытайдан Астанаға атпен жолға шыққан жас жұбайлар көпшіліктің ықыласына бөленді
Бүгінде күллі қазақ жұрты оларды желіде бақылап, біразы алдынан күтіп, қонақ етіп жатыр