Дәрігерлер аптап ыстықта коронавирустың қауіпі жоғарылайтынын айтты
Ресейлік маман Андрей Тяжельников аптап ыстықта коронавирусты жұқтыру қауіпі артатынын және жаз маусымында ауруды емдеу қиынға соғатынын мәлімдеді, деп хабарлайды Stan.kz ақпарат агенттігі.
"Ыстық күндері ауруды жұқтырып алу қауіпі жоғарылайды, себебі бұл кезде суық тигізу жиілеп, иммунитеттің төмендеуі байқалады. Сәйкесінше, адам ағзасының вирустар мен бактерияларға қарсы тұруы қиындайды. Бұған қоса, аптап ыстық коронавирустың емделуін ауырлатады. Организм коронавирусқа тап болғанда стресске ұшырайды", – дейді дәрігер.
Оның айтуынша, аурудан сақтану үшін барынша жедел түрде вакцина салғызу керек. Әсіресе созылмалы аурулары бар, егде жастағы және иммунитеті нашар адамдар үшін екпе алған жөн екенін айтады.
Бұған қоса, дәрігер коронавируспен ауырғандарға өзі отырған бөлменің ылғалдылығы мен температурасына жіті назар аудару керек дейді. Жиі-жиі тазалық жұмыстарын жасап, бөлмені желдетіп алу артық етпейтінін де ескертті.
Талқылау
"Металлургияға 50 балмен түсуге болады": Биыл қазақстандық талапкерлер қанша балмен грант иесі атанды
2025-2026 оқу жылына арналған мемлекеттік білім беру грантын 77 мыңнан астам талапкер жеңіп алған еді
Джей Ло концертінде жұмыс істеген кәмелетке толмаған волонтерлер ұйымдастырушыларға шағымданды
Кей ата-аналар мұндай жағдайдың бұрын да болғанын айтты