Дархан Жолшыбеков: Жігіттер қыздарға көп барады, сондықтан әйелі бала көтере алмайды

Блогер Дархан Жолшыбеков қоғамдағы өзекті мәселелердің бірін көтерді. Ол сәби сүйе алмай жүрген жастарға өзінің кеңесін айтты. Уролог маманмен кеңестім деген Дархан қазіргі кезде әйелдердің бала көтере алмауына көбінесе ерлері себеп болады деген пікірді алға тартты. Бұл туралы Дархан НТК арнасының TABOO бағдарламасында айтты. 

"Бай, ақшасы көп достарым бар. Сол достарым үйленді да, 1-2 жылдан бері әйелдері бала көтере алмай жүр. Біреулер әйеліне жабуы мүмкін. 
Көбінесе жігіттерден шығады. Олар қыздарға барады, түрлі инфекция жұқтырады. Үйленбеген жігіттер айына бір қызға барып тұрады.
Ал қыздарда ондай проблема болмайды. Қазақ қыздары тұрмыс құрғанға дейін ешкіммен қосылмайды. 

Одан кейін ол жігіт ауру екенін білмейді де. Бай жігіттердің ақшалары бар, олар тексеріледі, дәрілерін ішеді. Ол өте қымбат тұрады. 
Бұл жайында урологпен де сөйлескенмін. Көбінесе 70 пайыз жігіттерден шығады. Ал бірақ ол білінбейді. Оны емдеу аша жағынан да, физиологиялық жағынан да оңай емес", - дейді блогер.

• Блогер Дархан Жолшыбеков: Үйленген кезде 18 млн теңге қарызым болды

• ​​​​​​​"Бала некені берік етпейді": Баян Мақсатқызы "туып алуға" кеңес берген әйелге жауап берді

Мұндай тақырып біздің қоғамда көп қозғалмайды. Алайда Дарханның пікірінше, "бұл жастардың миына құятын ілім".