"Дәнекерлеушіге тұрмысқа шықтым": Тамара Асар алғаш рет жолдасы туралы айтты

Танымал әнші Тамара Асар алғаш рет жолдасына қатысты сұраққа жауап берді. Бұл туралы Stan.kz ақпарат агенттігі хабарлайды. 

Фото: https://www.instagram.com/tamara_assar_official/

Өнер иесі “Әйел әлемі” бағдарламасына жолдасымен қалай танысқанын айтты. 

“Осы күнге дейін ұлым үшін ғана өмір сүрдім. Барлық жетістігімді соған арнадым. бір күні қатты шаршадым. Концерттен-концерт болып кетті. Қонақ үйге келіп, “Құдай, маған күйеу берші” дедім. Соны тілеп жатып, ұйықтап кеттім. Ондай дұға жасағанымды да ұмытып қалғанмын. Күйеуімді тура бір аптадан кейін жолықтырдым. “Мына әйелге үйленемін” деп мені көрсетіп, айтып бара жатты. Мен естіп тұрдым. Тура сол сөзден кейін жеті күнде тұрмысқа шығып кеттім”, – деді әнші. 

• "Хәл үстінде жатқан адамның атын пайдаланды": Тамара Асар беймезгіл уақытта мазалайтын оқырмандарына ескерту жасады

• "Күйеуіме бас иемін": Тамара Асар туған күнін дүркіретіп тойлады

Өнер иесінің сөзінше, жолдасының да, өзінің де өмірі түбегейлі өзгерген көрінеді. 

“Маған бір фирмада дәнекерлеушімін деді. Мен соған сендім. Танымал әнші бола тұра, “сварщикке” тұрмысқа шықтым. Сөйтсем, өндірісті басқаратын бастық екен. Анасы өмірден өткеннен кейін мүлдем шай ішпей кетіпті. Бас қосқаннан кейін, менің шай құйғанымды көріп, қатты таңғалды”, – деді эстрада жұлдызы.  

Еске салайық, Тамара Асар мәһрге машина сұрағанын айтқан еді.