БҰҰ Қауіпсіздік Кеңесі Таулы Қарабақтағы жағдайға қатысты мәлімдеме жасады
БҰҰ Қауіпсіздік кеңесі Армения мен Әзірбайжанды тез арада атысты тоқтатып, алдын-ала шартсыз мазмұнды келіссөздерді бастауға шақырды. Бұл туралы Нигердің БҰҰ-дағы тұрақты өкілі Абду Абарри мәлімдеді, деп хабарлайды Stan.kz ақпарат агенттігі.
"Қауіпсіздік кеңесінің мүшелері күш қолдануды қатаң түрде айыптады және адам қазасына өкініш білдірді", - делінген Абарри оқыған пресс-релизде.
Сондай-ақ, Абарри журналистерге БҰҰ Қауіпсіздік Кеңесі қақтығыс аймағындағы жағдайды жою үшін қолынан келгеннің бәрін жасайтынын айтты.
"Біз жағдайды тыныштандыру үшін Қауіпсіздік кеңесінің мүшелері ретінде қолымыздан келгеннің бәрін жасаймыз. Қажет болса, біз Нью-Йоркте және оқиға орнында ортақ тіл табуға көмектесу үшін екі өкілмен де (Армения және Әзірбайжан) сөйлесеміз", - деді Нигердің БҰҰ-дағыт ұрақты өкілі, Қауіпсіздік кеңесі БҰҰ жанындағы Армения мен Әзірбайжанның тұрақты өкілдерімен кездесулер өткізеді ме деген сұраққа жауап бере отырып.
Талқылау