"Бұл - менің таңдауым": Альмира Тұрсын христиан дінін ұстанатынын айтты

Актриса Альмира Тұрсын ұлты мен діни сенімі жайлы сауалға жауап берді. Ол бала кезінде христиан дінін қабылдағанын ашық айтты, деп хабарлайды Stan.kz ақпарат агенттігі. 

Бұған дейін Тұрсын әкесінің кәріс ұлтынан екенін айтқан еді. Алайда актрисаның айтуынша, Юрий Николаевич оның туған емес, өгей әкесі. Бұл жолы Тұрсын өз ұлты жайлы сауалға жауап берді. 

"Мен қазақпын. Тегімде татар мен еврейдің қаны бар", – деді ол. 
Сондай-ақ Альмира Тұрсын қандай дінді ұстанатынын бөлісті.

• "Ажырасумен аяқталады": Жәния Джуринская ата-енемен бірге тұруға қатысты

• "Біреудің жүктілігі мен өлімін дәл болжайтынмын": Алуа Қонарова көріпкелдік қасиеті жайлы айтты

"Анам екеуміз 20 жылдан бері христиан дініндеміз. Ол кезде әкем екеуі кездеспеген. Протестанттық бағыттағы христиан діні жүрегім мен жаныма жақын. Бұл – менің саналы жеке таңдауым", – деп ағынан жарылды ол. 

Актриса ислам діні мен хиджабқа деген көзқарасы оң екенін, өзге дін өкілдеріне құрметпен қарайтынын жеткізді.

"Барлық діни сенімдерге деген көзқарасым толерантты. Әр адамның таңдауын қабылдап, құрметтеймін. Сынамаймын, талқыламаймын! Өзім мен дүниетанымым үшін зерттеймін", – деп түсіндірді ол.