Бурабайда суретке түспек болған астаналық әйел таудан құлап мерт болды
Бурабайдағы Бөлектау тауында суретке түспек болған әйел мерт болды. Ол құлап кеткен, деп хабарлайды Stan.kz ақпарат агенттігі.
Астаналық әйелдің қаза болғанын Ақмола облыстық полиция департаменті хабарлады. Дерекке сүйенсек, оқиға 11 маусым күні болған. Ол отбасымен қайғылы оқиғадан бір күн бұрын Бурабайға демалуға келіпті. Бірақ Бөлектау тауының төбесіне шығып, суретке түспек болғанда құлап кеткен.
"Бөлектау тауының шолу алаңына көтерілу кезінде әйел суретке түспек болған, алайда ол 15 метр биіктіктен құлап, тасқа соғылды. Аталған дерек бойынша сотқа дейінгі тергеу басталды. Оқиғаның мән-жайы анықталып жатыр”, – делінген полиция хабарламасында.
Осы жағдайға байланысты полиция жергілікті тұрғындар мен қонақтарға қауіпсіздік шараларына жіті мән беруді және сақ болуды ескертіп отыр.
"Жалаңаштанып айға қарап, рәсім жасайды": Батыс Қазақстандағы бір ауылдың тағдырын жат ағым қалай өзгертті?
Мадхалиттердің 4-5 жыл бұрын депутаттық корпусқа үміткер болуға талпынғандары да болды
"Саябақтарда қонып жүрмін": 21 жастағы қазақстандық балалар үйінің түлегі далада қалды
Жетім балалар неге кәмелетке толған соң көше кезіп қалады?