Боран соғып, көктайғақ болады: Қазақстанның бірнеше облысына дауылды ескерту жарияланды
8 қаңтарда Нұр-Сұлтан және Қазақстанның үш аймағында тұман түсіп, қар жауады.
Нұр-Сұлтан мен Қазақстанның үш аймағында тұман түсіп, көктайғақ болады, деп хабарлайды «Қазгидромет» РМК баспасөз қызметі.
«8 қаңтарда Нұр-Сұлтанда, сондай-ақ Ақмола және Қостанай облыстарында тұман сақталады», - делінген сейсенбідегі дауылды ескертуде.
Синоптиктер дауылдың ықтималдығын 85-100% деңгейінде бағалайды.
«8 қаңтарда Қызылорда облысында кей жерлерде тұман, көктайғақ сақталады. Дауылдың болуы 95-100% құрайды», - делінген хабарламада.
Талқылау