Бомба туралы жалған хабарлама таратқаны үшін айыпталған Юрий Пак бостандыққа шығады
Сот Юрий Пактің адвокаты Сергей Кимнің өтелмеген жаза мерзімін айыппұлмен төлеу туралы өтінішін қанағаттандырды.
Сот шешімі 15 күннен соң күшіне енеді.
“Бүгін Қарағанды облысы Абай аудандық соты сотталған Юрий Пактің өтелмеген жаза мерзімін жеңілдету туралы өтінішін қарады. Сот отырысында Пак Юрий айыбын мойындап, жасаған қылмысы үшін өкінді. Сот өтінішті қанағаттандырды. Өтелмеген жаза мерзімі 170742 теңге көлеміндегі айыппұлға алмастырылды”, — деп хабарлады Қарағанды облыстық сотының баспасөз қызметі басшысы Гүлбаршын Жітікова.
Телефон терроризмін тергеу барысында қарағандылық мектептің бұрынғы мұғалімі куәгер болудан бастап, негізгі күдіктіге дейін айналған. Юрий Пак өткен жылы қазанда жалған терроризм үшін екі жылға сотталып, жазасын Қарағанды облысы Қарабас ауылындағы жалпы тәртіпті колонияда өтеп жатқан еді. 10 наурызда рақымшылыққа байланысты жаза мерзімі төрттен бірге қысқартылды. Ал тәуелсіз сараптама бойынша Пактің бомба туралы қоңырауға мүлдем қатысы жоқ болып шыққан.
Тағы да оқыңыз:
Меруерт Өтекешова: Жаманқұловпен бірге оқығаныма ұяламын деп айтуымның өз себебі бар
Қазақтың халық әртісі Тұңғышбай Жаманқұловқа сот үкімі шықты
Жұрт мүгедек жанға көмектескен атыраулық полицейге риза болды