Байден Ресейге қарсы санкцияларды жариялады
АҚШ президенті Джо Байден арнайы мәлімдеме жасап, Украинадағы жағдайдан кейін Ресейге салынатын санкияларды жариялады. Оның сөзінше, бұл санкциялар Ресейді SWIFT төлем жүйесінен шығарудан әлдеқайда күштірек, деп хабарлайды Stan.kz ақпарат агенттігі.
Джо Байденнің сөзінше, Ресейдің Украинаға жасаған шабуылы – айлап дайындалған әрекет. Қазір кибершабуыл мен өзге де шабуылдар жүріп жатыр.
"Агрессор Путин осындай жолды таңдады. Санкциялар ұзақ уақыт әсер етеді. Жапония мен Германия да мені қолдап отыр", – деді Байден.
Байден жариялаған санкциялар:
- Орыс бизнесі доллардан және еуродан шектеледі;
- Ресейдің 4 банкі бұғатталады;
- Ресей билігіндегілердің қаржысы бұғатталады;
- Ресейдің ғарыш кеңістігіндегі де жұмысы да санкцияға алынды;
- АҚШ Ресейдің 24 жеке және заңды тұлғасына қатысты санкция енгізді.
- АҚШ және одақтастары Ресейдің жоғары технологиялы өнімдерінің импортын 50% шектемек.
Сонымен қатар Байден Ресеймен қарым-қатынасын толығымен үзетінін мәлімдеді.
Айта кетейік, кеше Ресей президенті Путин Украинада арнайы операция өтетінін мәлімдеген еді. Путин хабарламасынан кейін Байден міндетті түрде жауап беріп, қатаң санкция салатынын айтқан.
Талқылау
Азық-түлік, газ, темекі қымбаттайды, әскерилер үйді жекешелендіріп ала алады: Қазақстанда 1 шілдеден бастап не өзгереді
1 шілдеден кейін жұмысқа кіретін күштік құрылымдарындағы қызметкерлерге үй мәселесі бойынша жаңа тәртіп енгізілмек
Шерзат ісі бойынша үкім, Израиль-Иран қақтығысы, Үндістандағы ұшақ апаты: Маусым айы несімен есте қалды
Сонымен қатар министрліктердің басшылары ауысқан