"Байбек сотталсын!": Белсенді Алматы орталығында жалғыз пикет ұйымдастырды
Экологиялық қоғамдық қордың президенті Абай Ерекенов Алматы орталығында жеке пикет өткізді. Бұл туралы Stan.kz ақпарат агенттігі 31 арнаның "Информбюро" бағдарламасына сілтеме жасап хабарлайды.
Экоқорғаушы мегаполисті дамытудың бас жоспарын пысықтауға қайтаруды талап етеді. Оның айтуынша, құжат Алматының бұрынғы әкімі Бауыржан Байбек бекіткен заңсыз қабылданған қаулылар негізінде әзірленген.
"Қазір Алматының жаңа бас жоспарын әзірлеу желеуімен Байбек қабылдаған қаулылардың барлығын заңдастыруға тырысып жатыр. Яғни, оларға заңды сипат бермек. Ал бұл бүкіл Алматыға қатысты. Жақында мәдениет және демалыс саябағында болған сенсациялық оқиға. Бірақ бұл жалғыз нәрсе емес - ҚазҰУ жері және т.б.", - деді "Чистота в доме" ҚҚ президенті Абай Ерекенов.
- Алматылық белсенді депутаттарға 42500 теңге жалақы беруді талап етті
- Блогер жасырған сағатты жаппай іздеген ақтаулықтар видеоға түсіп қалды (видео)
Абай Еркенов мегаполистің бұрынғы әкімі бұрын қабылдаған барлық мәмілелер мен қаулыларға қатысты тергеу жүргізуді және оларды жария етуді талап етеді. Белсенді бұл қаланың тығыз құрылысына қарсы өткізілген екінші пикет екенін айтты.
Акцияны өткізу туралы заң талап еткендей, ол әкімдікке алдын ала хабардар етті. Қала билігі Тәуелсіздік монументінің жанында бір пикет өткізуге бір жарым сағат уақыт бөлді. Облыстық әкімдіктің қызметкерлері не болып жатқанын бақылап тұрды. Олар белсендіден бірнеше метр қашықтықта кезекшілікте тұрды.
