"Басымды қатырмаңдар": Даулы видеодан кейін Алматы облысының бас санитарлық дәрігері көпшілік алдында кешірім сұрады

Алматы облысының бас санитарлық дәрігері Ерғали Сыдыманов өзінің дөрекілігіне шағымданған кәсіпкерлерден көпшілік алдында кешірім сұрады, деп хабарлайды Stan.kz ақпарат агенттігі.

Видео өз парақшасында Талдықорған әкімінің баспасөз хатшысы Нұр Қанатұлы жариялады.

 "Мен адамдармен сөйлесіп, қарапайым тілде түсіндіргім келді. Қазір бәрі басқаша болды. Егер мен бір нәрсені дұрыс жасамасам, онда ренжіткендердің бәрінен кешірім сұраймын. Менде ешқандай жаман ой болған жоқ.  Мен жауап беруге дайынмын", - деді видеода Ерғали Сыдыманов.

Ол бұған дейін денсаулық сақтау министрлігіне түсіндірме хат жолданғанын және оны мемлекеттік қызмет істері агенттігіне шақырғанын, ол жерде де түсініктемелер бергенін айтты.

Өңірлік бас санитарлық дәрігер кәсіпкерлердің бірімен сұхбат барысында сауда үйлері, азық-түлікке жатпайтын базарлар мен авто бөлшектер сататын дүкендердің қызметіне тыйым салуды жою туралы сұранысты сөз етті. 

Естеріңізге сала кетейік, екі күн бұрын тағайындалған Алматы облысының бас санитарлық дәрігері келушілерге дөрекілік танытып, ұятқа қалған.

Денсаулық сақтау министрлігінің басшысы Алматы облысының санитарлық дәрігерінің әрекетін қате деп тапты.

Даулы видеодан кейін Алматы облысының бас санитар дәрігеріне қатысты қызметтік тергеу басталды.

Талқылау
Пікір
Қазір оқып жатыр
Çàãðóçêà...
Қазір оқып жатыр