Банктерге ғана қарыз болмаған: Алматыдағы атысты ұйымдастырған Дужновтың ел білмеген қырлары ашылды
Алматылық Игорь Дужнов Қазақстан аумағынан 14 рет шыққаны анықталған. Оның шетелдік сапарлары туралы Ұлттық қауіпсіздік комитетінде айтылды, деп хабарлайды Stan.kz ақпарат агенттігі КТК арнасына сілтеме беріп.
Ведомствоның мәліметінше, Игорь Дужнов Таиланд пен Ресейге төрт рет барған. Үш рет Қытайда, содан кейін бір рет Түркия мен Нидерландыда болған.
Сонымен қатар ҰҚК мәліметтері бойынша, 2008 жылдың қыркүйегінде Дужнов Украинада болған.
Алайда ол қандай мақсатта болғандығы көрсетілмеген. Бұл елдегі әскери оқиғалар кейінірек 2014 жылы басталды. Игорь Дужновқа тоғыз рет елден кетуге тыйым салынған. Сонымен қатар ол банктерге ғана емес, адамдардан қарыз алды.
Еске сала кетейік, 20 қыркүйекте мегаполистегі шағын аудандарының бірінде үй иесі Игорь Дужнов аңшылық мылтықтан үйден шығару туралы сот шешімін орындауға келген адамдарға оқ жаудырды. Алматылық мерген бес адамды өлтірді. Қаза болғандардың арасында екі полиция қызметкері мен сот орындаушысы, сондай-ақ үйдің жаңа иесі және куәгер бар.