Балқашта мас жүргізуші көлігін қойған жерін ұмытып, полициядан ұрлықшыны табуды талап етті

9 тамыз күні таңертең Балқаш қаласының полиция бөліміне 66 жастағы ер адамнан өтініш келіп түсті. Жәбірленуші 8-ден 9-шы тамызға қараған түні үйдің ауласында тұрған Audi 80 автокөлігін ұрлап кеткенін мәлімдеді, деп хабарлайды Stan.kz ақпарат агенттігі.

Шығын сомасы 1 миллион 200 мың теңгені құрады. Аталған жайтқа байланысты ҚР ҚК-нің 200-бабы "автокөлікті ұрлау мақсатынсыз заңсыз иемдену" бойынша қылмыстық іс қозғалды.

Полиция машинаны тез тауып алды - ол көрші аулада қауіпсіз және сенімді жерде тұрған.

Белгілі болғандай, ер адам танысын кездестіріп, тоқтап, бірге ішімдік ішкен.

Келесі күні өз үйінде оянған ер адам көлігінің өз орнында жоқ екенін көріп, оны біреу ұрлап кеткен деп ойлаған.

Қылмыстық іс әрекет қылмыстық құқық бұзушылық құрамының болмауына байланысты тоқтатылды.