"Балалардың есімін әріп пен реттік нөмірге ауыстырып қойған": Желі қолданушылары жаңа ақпаратты талқылауда

Желіде Алматы мектептерінің бірінде мұғалімдер балаларға есімі мен тегі бойынша сөйлеуді тоқтатқаны туралы ақпарат тарауда. Есімдерінің орнына балаларға әріп пен сан берілген, деп хабарлайды Stan.kz ақпарат агентті StopFake.kz сайтына сілтеме жасап.

Хабарламалар мен әлеуметтік желілерде қазақстандықтар Алматыдағы №87 мектептің наразы ата-анасының бірінің скриншотын жіберіп, онда ол әр оқушыға тек әріп пен реттік нөмір берілген "жаңа ережеге" шағымын айтады. 

"Біздің Алматыдағы №87 мектепте екі аптадан бері оқу ордасы тарапынан озбырлық орын алып келеді. Балаларды енді аты мен тегі бойынша емес, тек әріп пен санмен атайтын болады. Мен бүгін ғана қызымды Б5 деп атайтынын білдім. Сыныптағы барлық оқушылар өздерінің нөмірлерін жатқа біледі. Менің қызым айтылған сөздің өзінің жаңа есімі екенін білмеген. Балалардың өз есімі енді жоқ. Масқара!" – делінген хабарламада.

• 1-сыныпқа арналған оқулыққа "өл" деген сөз жазып қойған: Білім министрлігі мәлімдеме жасады


• Қарағандыда мұғалім сабақ кезінде оқушыны дәретханаға жібермей қойған


• "Адамдарды "чиптеу" осылай жүзеге асады": Желіде тараған видео халық арасында шу туғызды

Бұл ақпаратты Алматы қаласының Білім басқармасы жоққа шығарды.

"№87 мектепте оқушыларды әріппен және санмен атайды деген ақпаратқа байланысты фактілерді тексеру кезінде бұл ақпарат расталған жоқ", – деді Алматы қалалық білім басқармасының бас маманы Қуандық Ешімет.