Балалар тамақсыз қалуы мүмкін: Қостанайда мектеп асханасында дау шықты
Қостанайда мектеп оқушылары тамақсыз қалуы мүмкін. Асхананы жалға берушілер дабыл қағуда. Себебі келісімшарт ұзартылмай, жаңа конкурс жарияланған. Олар білім бөлімінің бұл шешімін заңсыз деп санайды. Сондай ақ жаңа жылдан бері мектеп оқушыларының тамағы жүз теңгеге қымбаттады. Бұл туралы Stan.kz ақпарат агенттігі 31-арнаның Информбюро жаңалықтар бағдарламасына сілтеме жасап хабарлайды.
Қостанайдағы мектеп асханасында жанжал таусылар емес. Білім бөлімі жаңа жылға жеткізушілермен келісімшартты ұзартудан бас тартып, жаңа конкурс жариялады. Мәселеге бөлшек сауда және қоғамдық тамақтандыру қауымдастығы араласты. Олардың айтуынша, провайдерлер мен білім бөлімі келіспесе, іс сотқа дейін барады. Асхана иелері өз құқықтарын қорғап жатқанда, балалар түскі ассыз қалуы мүмкін.
“Бұл келісімшарт 31 желтоқсанда аяқталады және жеткізуші тарапынан заңбұзушылықтар болған жағдайда тағы екі рет ұзартылады. Бұл заңнамасы қалаңыздың білім бөлімінен басқа барлық жерде қолданылады. Бұл – шектен шығушылық, кәсіпкерлерге қойылған тосқауыл”, деді бөлшек сауда және қоғамдық тамақтандыру қауымдастығының өкілі Марина Лаптева.
Жеткізушілердің айтуынша, ережеге сәйкес олар жосықсыздар тізіміне кірмеген болса, онда келісімшарт бірден ұзартылуы керек. Бірақ осы уақыт ішінде балаларды тамақсыз қалдырмау үшін оларға тағы екі ай жұмыс істеу ұсынылды. Білім басқармасының мәлімдеуінше, асханалардағы санитарлық жағдай нашар болғандықтан, осындай шешім қабылданды.
“Желтоқсан айында СЭС прокуратурамен және жеткізушілермен бірлесіп тексеріс жүргізгенде, таяқшалар табылды. Сондықтан тамақтарымыз сапасыз болғандықтан екі айға келісімшарт жасап, конкурс жариялауды жөн көрдік”, – деді Қостанай қаласы әкімдігінің білім басқармасының өкілі Назгүл Дүйсекбаева.
Бірақ қадағалаушы орган білім бөлімінің ұстанымымен келіспейді. Себебі тексеріс нәтижесі әлі жоқ.
"Заңбұзушылықтар қаңтарда тексеріс нысаны болды, ол 18 қаңтарда аяқталды. Біз қадағалау актілерін ұсынбадық және білім бөліміне әкелген жоқпыз. Сондықтан ондай нәрсе айту орынсыз”, – деп мәлімдеді Қостанай прокуратурасының бөлім бастығы Ерлан Гутов.
Бөлшек сауда және азық-түлік қауымдастығы басқа өңірлерде бұл мәселенің түйінін тарқатқанын, ал Қостанайда әлі ымыраға келмегенін атап өтті. Білім басқармасының келісімшартты ұзартудан бас тарту туралы шешімінің заңдылығын прокуратура мен сыбайлас жемқорлыққа қарсы қызмет анықтайды.