"Азық-түлік зертханасы" жобасы "Нестле. Дені сау балалар" білім беру бағдарламасының бір бөлігі болып табылады және оны Қазақстандағы Nestlé компаниясы ("Нестле Фуд Казахстан" ЖШС) Қазақстандағы медициналық оқу орындарымен серіктестікте жүзеге асырады. 2023 жылы жоба елордада "Астана медицина университеті" КЕАҚ-мен бірлесіп, 20-дан астам мектепті қамтыды. Биыл эстафетаны Алматы мектептері қабылдады, онда Жоғары медициналық колледждің медицина факультетінің студенттері мектеп оқушыларына қызықты тәрбие сағаттарын өткізуде. Сабақ барысында болашақ дәрігерлер әртүрлі өнімдердің пайдасы туралы айтып, арнайы тәжірибелер арқылы олардың пайдалы қасиеттерін көрсетеді.

"Дұрыс тамақтану денсаулықты сақтаудың маңызды шарттарының бірі екеніне кез келген ересекті сендірудің қажеті жоқ. Бірақ, өкінішке орай, әрбір бала дұрыс тамақтану ережелерін сақтауға дайын емес. Ұлдар мен қыздарды дұрыс тамақтану тек "қызықты" ересектердің талабы емес, табысты және дені сау болып өсуі үшін нағыз қажеттілік екеніне қалай сендіруге болады? Шешім ретінде біз заманауи білім беру форматтарын ұсынамыз, олардың бірі "Азық-түлік зертханасы". Оның негізінде көңілді ойынның байыпты ғылыми білімді үйренумен және игерумен үйлесуі жатыр. Оқушылар нағыз зерттеуші ғалымдарға айналады. Медициналық колледж студенттерінің көмегімен олар өнімнің қасиеттерін зерттей отырып, нақты тәжірибелер-эксперименттер жүргізеді", - деді Александра Макеева, Еуразиядағы Nestlé білім беру бағдарламалары бөлімінің басшысы, педагогика ғылымдарының кандидаты.

"Уақытылы алдын-алу шаралары көптеген аурулардың тиімді профилактикасы болып табылады. Сондықтан дәрігер жұмысының маңызды құрамдас бөліктерінің бірі салауатты өмір салтын сақтау және алдын алу принциптерін түсіндіруге бағытталған тәрбие жұмысы. Біз "Азық-түлік зертханасы" жобасына қуана қатыстық, оның аясында біздің колледж студенттерінің профилактикалық медицина және салауатты өмір салтын насихаттау саласындағы өзгерістер агенттері болуға мүмкіндігі бар", – деп атап өтті Алматы қаласы жоғары медициналық колледжі директорының оқу-тәрбие қызметі жөніндегі орынбасары Ләззат Әлібекова.

Қазақстандағы "Салауатты тамақтану мектебі" бағдарламасы туралы

"Салауатты тамақтану мектебі" қазақстандық бағдарламасы – "Nestlé. Дені сау балалар" жаһандық бастамасы аясында ұйымдастырылып келеді. Бастаманың мақсаты - 2030 жылға қарай әлем бойынша 50 миллион балаға салауатты өмір сүруге көмектесу. "Салауатты тамақтану мектебі" елорда мен Алматы мектептерінде 2013 жылдан бері жұмыс істеп келеді, ал 2023 жылдан бастап географиясын Қазақстанның басқа қалаларында кеңейтуде. Бағдарлама 6-8 жас аралығындағы балаларға бағытталған және мұғалімдер жүргізетін сабақтар жүйесі арқылы жүзеге асырылады. Ол Алматы қаласы Білім басқармасының Білім берудегі жаңа технологиялардың қалалық ғылыми-әдістемелік орталығы мен Қазақ тағамтану академиясымен бірлесіп әзірленген. Бағдарламаны жүзеге асыру барысында Қазақстанда барлығы 200 мыңға жуық бала "Дұрыс тамақтану мектебімен" танысты.

Nestlé компаниясы туралы
Nestlé - штаб-пәтері Швейцарияда орналасқан әлемдегі ең ірі халықаралық тамақ және сусындар компаниясы. Бүгінде 2000-нан астам бренді бар компания 188 елде жұмыс істейді. Дүние жүзіндегі қызметкерлердің саны шамамен 275 000.

Nestlé Қазақстанда 20 жылдан астам уақыт бойы жұмыс істеп келеді. Осы уақыт ішінде біз тұтынушылардың өмірінің әр кезеңінде келесі санаттардағы қажеттіліктерін қанағаттандыруға тырыстық: балалар тағамы (NESTOGEN®, NAN®, GERBER®), кондитерлік өнімдер (KITKAT®, GOODMIX®, NUTS®, BON PARI®), сүт өнімдері мен таңғы ас (NESQUIK®, KHRUTKA®), жылдам еритін кофе (NESCAFÉ®), Nestlé Professional (Қоғамдық тамақтандыруға арналған заманауи инновациялық шешімдер), Nestlé Health Science клиникалық тамақтану (RESOURCE®, CLINUTREN®, MODULEN® IBD, WOBENZYME®), үй жануарларына арналған тағамдар (PURINA®, PRO PLAN®, FELIX®, PURINA ONE®, GOURMET®, DARLING®).

Талқылау