"Айқасқа қарасақ, мен жеңген сияқтымын" – Сағындық Тоғамбайдың қарсыласы төрешілер шешімімен келіспейді
Фото:Қазақстан бокс федерациясы
Семей қаласында Қазақстан чемпионатында 90 келіде салмақты үздіктер анықталды. Алайда ақтық бәсекеде күміс жүлдеге ие болған қарағандылық Нурмагамед Юсупов, финалдық жекпе-жектің нәтижесіне көңілі толмайтынын айтты. Бұл туралы Stan.kz ақпарат агенттігі хабарлайды.
Ол финалда Сағындық Тоғамбайға қарсы өткен шешуші кездесуінің қорытындысымен келіспейтінін мәлімдеді.
“Айқасқа қарасақ, мен жеңген сияқтымын. Тоғамбаймен бұған дейін де бірнеше рет жолықтық. Бұл жолы жеңгенімді дәлелдедім деп ойлап едік, бірақ төрешілер осындай шешім қабылдады. Әйтпесе жанкүйерлер де мені жеңді деп санайды”, – деді боксшы.
Сондай-ақ боксшы күміс жүлдеге көңілі толмайтынын, мақсаты тек алтын медаль болғанын айтты.
“Алтын медаль аламын деп келгенмін, сондықтан күміске көңілім толмайды. Алып-қосарым жоқ, – деді Юсупов.
Айта кетейік, Сағындық Тоғамбай 2022 жылы Амманда өткен Азия чемпионатының қола жүлдегері. Ал 2024 жылы Таиландта өткен Азия чемпионатында топ жарып, чемпиондық атаққа қол жеткізген.
Алматыда 7 жастағы баланы сарышаян шағып алған: Ауруханада оған қарсы вакцина табылмады
Алматы қаласында мектеп оқушысын сарышаян шағып алды.
Канье Уэсттің концертіне 280 мың теңгеге билет алған қазақстандық кейін арзан билеттердің пайда болғанына наразы
Freedom Афиша: "280 мың теңгенің бөлек баға санатына кіреді, ал 120 мың теңге – трибунадағы басқа жерде орналасқан орындардың баға санаты"