Айгүл Иманбаеваның 45 жас тойына өнер әлеміндегі ең беделді тұлғалар қатысты

Әнші, актриса Айгүл Иманбаева 45 жасқа толуына орай әріптестері мен туыстарының басын қосып, дүркіретіп той жасады, деп хабарлайды Stan.kz ақпарат агенттігі. 

Иманбаеваның қуанышына қазақтың барша жақсы-жайсаңдары түгел жиналды. Жазушы Дулат Исабековтен бастап, актер Асанәлі Әшімов, Тұңғышбай Жаманқұлов, Халық әртісі Роза Рымбаева, Мақпал Жүнісова, "Дос-Мұқасан" тобы, Алтынбек Қоразбаев, Толқын Забирова, "Музарт" тобы және тағы да басқа көптеген өнер өкілдері ортақтасты.

Халық әртісі Мақпал Жүнісова Иманбаеваға күмістен жасалған жиынтық табыс етті. 

"Ақша берсем, жаратып жібересің, өзім барып сатып алдым", - деді ол. 

Сондай-ақ, тойға күні кеше кенже ұлдарын үйлендірген Нұртас және Гүлзира Айдарбековтер келді. Олардың үлкен келіні Жұлдыз да арнайы Нұр-Сұлтаннан Алматыға келіп, тойға қатысты. 

• Жұлдыз Әбдікәрімова: Жұлдыздың әйелдері ел ойлағандай дайынға топ етіп келмейді

• "Ол менің ата жауым емес": Гүлзира Айдарбекова келіні Жұлдыз жайлы айтты

Қарақат Әбілдина елордалық арулардың басын қосып, құрбысы Айгүл Иманбаеваға арнап ән орындады. Айгүлдің өзі де көпшілікке өнерін паш етті.

Той ортасында меймандарға алып торт ұсынылды. Тәтті тағам арнайы Ақтөбе қаласынан алдырылған.