"Әйелімен ажыраспай қойды": ШҚО-да келіншек бұрынғы сүйіктісі зорлады деп жалған арыз жазған
Өскеменде әйел өзін зорлағаны туралы жалған хабар таратқан, деп хабарлайды Stan.kz ақпарат агенттігі.
Келіншек жалған ақпарат бергені үшін сотталды.
Қала тұрғыны бұрынғы сүйіктісін үйіне шақырған. Келіншек ер адамнан әйелін тастап, өзіне қайтып оралуды сұрайды. Бірақ ер адам келісім бермеген.
Артынша келіншек өзінің бұрынғы сүйіктісінің үстінен “зорлады” деп арыз жазған.
Алаяқтық әшкереленіп, арызданушыға қатысты сотқа дейінгі тергеу жұмыстары басталып та кетті. Кейіннен сот сотталушыны Қылмыстық кодекстің 419-бабының 3-бөлігімен “Адамды сыбайлас жемқорлық, ауыр, аса ауыр қылмыс жасады деп айыптау арқылы, жалған хабарлау” бойынша кінәлі деп таныды. Әйел үш жылға шартты түрде бас бостандығынан айырылды.
Талқылау