Атырауда газ жарылып, 5 адам зардап шекті
Атырауда тұрғын үйде газ-ауа қоспасы жарылып, өрт шықты. Жарылыс кезінде 5 адам зардап шекті. Бұл туралы Stan.kz ақпарат агенттігі хабарлайды.
Атырау облыстық Төтенше жағдайлар департаментінің қоғаммен байланыс тобының мәліметінше, оқиға 2 қаңтар күні болған.
“Жергілікті уақытпен сағат 11:10-да Атырау қаласының Көкарна ауылында тұрғын үйден түтін шығып жатқаны туралы қоңырау түсті. Өрт сөндіру бөлімшелері шақырту орнына келген кезде үйде газ-ауа қоспасының дүмпуі болғаны анықталды. Жарылыс салдарынан тұрғын үйдің 9 шаршы метр қабырғасы құлап, 140 шаршы метр аумағы жанып кетті”, – делінген хабарламада.
Тілсіз жау сағат 12:03-те оқшауланып, 12:22 шамасында түгелдей сөндірілді. Өрт салдарынан 5 адамды күйік шалып, ауруханаға жатқызылды.
Өртті сөндіруге Атырау облысы ТЖД 16 қызметкері мен 3 бірлік техника жұмылдырылған.
Айта кетейік, бұған дейін Бейрутте жойқын жарылыс болған еді.
"Жарақатты үйде алдым деп айт": Жұмыс берушілер өндірістегі оқиғаны неге жасырады және қызметкер не істеуі керек
Жарақат алған жұмысшының құқығын қорғаудың қандай жолдары бар екенін заңгер айтты
"Мінбердегі тартыс 7 сағатқа созылды": Нұрлан Оразалин Егемендік декларациясының қалай қабылданғанын айтып берді
Нұрлан Оразалин Қазақ КСР Жоғарғы Кеңесінің XII шақырылымының депутаты болған әрі осы тарихи құжатты әзірлеуге тікелей қатысқан