Атырауда полицейлер мұз астына құлап кеткен қызды құтқарып қалды
Атыраулық полицейлер мұз ойығынан суға түсіп кеткен жасөспірімді құтқарды, деп хабарлайды Stan.kz ақпарат агенттігі.
Полиция таратқан ақпаратқа қарағанда, Атырау қаласында орталыққа жақын Жайық жағалауында қыз баланың мұз ойылып суға түсіп кеткендігі жөнінде хабарлама түскен.
Хабарлама бойынша Патрульдік полиция батальонының қызметкерлері
Ғапу Жанарыс, Арсен Муратов, Құрманғазы Мерей және әкімшілік полиция бөлімі инспекторы Арманбек Габитов дереу оқиға орнына жеткен. Мұз ойығынан басы ғана көрінген адамның әйел адам екендігін дауысынан ғана айырған полицейлер құтқаруға бірден кіріскен.
- Екі әйел алған шымкенттік, төрт баласымен шетелдікке тұрмысқа шыққан танымал блогер: 2023 жылы сіз оқып үлгермеген ең әсерлі оқиғалар тізбегі
- Қазақстанда 2024 жылдың 1 қаңтарынан бастап не өзгереді
“Жанарыс Ғапу беліне арқан жіп байлап мұз үстімен жасөспірімге қарай беттеді. Әріптесі Мерей Құрманғазы оған көмектесу үшін жіп бойымен бірге жүрді. Өзге полицейлер жағада Жанарыс Ғапуды суға батып бара жатқан қыз баламен бірге тартып шығаруға дайын тұрды”, – делінген полиция таратқан ақпаратта.
Аяқ асты адам өміріне араша түскен полицейлердің қырағылығы мен ептілігі нәтижесінде жасөспірім жағаға шығарылып жедел-жәрдеммен ауруханаға жеткізілді. Денесі қатты суықтаған жасөспірім мән-жайды түсіндіре алмаған.
“Жедел-тергеу тобы тиісті шараларды бастап кетті”, – деп қосты полиция.