Ася Тулесоваға үкім шығарылды: белсенді қамауға алынбайтын болды

Азаматтық белсенді Ася Тулесоваға бір жыл және алты айға бас бостандығын шектеу жазасы тағайындалды, деп хабарлайды Stan.kz ақпарат агенттігі.

Сот Тулесованы билік өкіліне қатысты зорлық-зомбылық жасағаны және қорлағаны үшін кінәлі деп таныды және 55 мың теңге сомасында 20 АЕК көлемінде айыппұл салды. Жасалған құқық бұзушылықтардың жиынтығы бойынша оған 1,5 жылға бас бостандығын шектеу тағайындалды.

Тулесоваға қатысты  ҚР ҚК – нің 378 – бабы, 2-бөлігі, "Билік өкілін көпшілік алдында қорлау" және 380-бабы, 1-бөлігі, ҚР ҚК-нің "Билік өкіліне қатысты күш қолдану" баптары бойынша кінәлі деп танылсын. Ақыры оған 1 жыл 6 ай бас бостандығын шектеу жазасы тағайындалсын", - деді Медеу аудандық № 2 сотының судьясы Такен Шәкіров.


Өмір бойына бас бостандығынан айырылған сотталушы 27 жылдан кейін кінәсіз деп танылды 


Ася Тулесова 8 маусымда Алматы қамауға алынды. Тергеу мәліметтері бойынша, 6 маусымда Алматыда заңсыз митингілер кезінде Төлесова полиция қызметкеріне қатысты зорлық-зомбылық жасаған. "Билік өкілін қорлау" және "билік өкіліне қатысты күш қолдану" баптары бойынша сотқа дейінгі тергеу басталды. Бұл баптар үш жылға дейін бас бостандығынан айыруды көздейді. Сот талқылауы барысында жәбірленушілер саны алтыға дейін өсті. Олардың барлығы полиция қызметкерлері.

Прокурор Тулесоваға 230 мың теңге көлемінде айыппұл төлеумен бір жылға бас бостандығынан айыруды сұрады.

Сондай ақ, сот істі жеті отырыста қарады, олар күнде өтіп отырды. Осы уақыт ішінде адвокаттар судьяға және екі прокурорға үш қарсылық білдірді, олардың барлығы қабылданбады.

2020 жылдың 6 маусымында Тулесова рұқсат етілмеген митингке қатысқан. Билік өкілінің қалыпты қызметіне кедергі жасау және оның беделіне нұқсан келтіру мақсатында ол Алматы қаласы Жетісу ауданы ПБ учаскелік инспекторы Нұрбек Темірхановтың басына ұрып жіберген, содан қызметкердің бас киімі құлап қалған.

Осыдан кейін полиция қызметкерлері Тулесованы алып кеткен, жол бойында ол тағы бір полиция өкілі – Мейіржан Тұрғанбекті ұрып жіберген. Белсендіні ұстау кезінде ол: "Жексұрын, Сен де жексұрынсың! Ешкім де полиция формасын киюге лайық емес. Жексұрын менттер" деп айқайлаған. Қалған жәбірленушілер бұл сөздерді қорлық деп есептеген.

Ал белсендінің қорғаушылардың пікірінше, іс саяси сипатқа ие және оның іс-әрекеттерінде қылмыстық құқық бұзушылық жоқ, сондықтан оны ақтау керек екенін алға тартты.

Еске салайық, осыған дейін Алматыда қоғам белсендісі Ася Тулесоваға қатысты сот ісі басталғаны туралы хабарлаған едік

 

Талқылау
Пікір
Қазір оқып жатыр
Çàãðóçêà...
Қазір оқып жатыр