Астаналық студент Бурабайға сапарынан кейін айыппұл арқалады

Ақмола облысында полицейлер контент үшін терезеден басын шығарған жолаушылар үшін жүргізушіні жауапқа тартты. Бұл туралы Stan.kz ақпарат агенттігі хабарлайды.

Жол ережесін бұзу дерегі Instagram-дағы direct-не оқырманнан видео келген соң анықталған. Куәгердің айтуынша, көліктің қарқынды қозғалысы байқалатын Бурабайға баратын автожолда, жүріп келе жатқан көліктің жолаушылары терезелерден денелерін жартылай шығарып, ұялы телефонға болып жатқанды түсірген.

Берілген фотосуреттер мен бейнелерден полиция қызметкерлері үш қыздың өздеріне және басқа жол қозғалысына қатысушыларға қауіп төндіріп, жүріп келе жатқан көліктің терезелерінен денелерін шығарып жатқанын анықтады.

Полицейлер әлеуметтік желілер үшін кадрлар жасау үшін кейбір жастар қауіпсіздікті ұмытып кететінін атап өтті. Сонымен қатар, жол мұндай ойын-сауыққа арналмаған. Кез-келген абайсыз әрекет қайғылы салдарға әкелуі мүмкін.

Патрульдік полиция қызметкерлері Hyundai Elantra маркалы автокөлік жүргізушісін жедел анықтады. Ол Астана қаласының студенті болып шықты. Жас жігіттің айтуынша, ағымдағы жылдың 4 маусымында ол көлікті жалға алып, үш қызбен Бурабайға демалуға бет алған.

Жүргізушіге қатысты әкімшілік хаттама толтырылды. Сондай-ақ онымен жол қозғалысы ережелерін бұзуға жол бермеу және жолаушылардың қауіпсіздігін қамтамасыз ету қажеттілігі туралы профилактикалық әңгіме жүргізілді.

Полиция департаменті азаматтарды жолдардағы қауіпсіздік шараларын сақтауға және әлеуметтік желілерде танымал болуға деген ұмтылыс адамдардың өмірі мен денсаулығына қауіп төндірмеуі керек екенін есте сақтауға шақырады.