Астанадағы балабақшада 1,5 жасар бала күйіп қалған: Қылмыстық іс қозғалды
Астанада балабақшада бір жарым жастағы баланың күйік жарақатын алуына байланысты қылмыстық іс қозғалды. Бұл туралы Stan.kz ақпарат агенттігі хабарлайды.
Әлеуметтік желіде тараған ақпаратқа сәйкес, оқиға 2 қазанда болған. Бала ыстық сорпаға күйіп қалып, денесінің 10%-ы үшінші дәрежелі күйік алған.
Баланың анасының айтуынша, балабақша өкілдері оқиғаға өздерінің қатысы барын жоққа шығарған.
Астана қалалық полиция департаментінің мәліметінше, қазір тергеушілер оқиғаның барлық мән-жайын анықтап жатыр.
"Балабақша қызметкерінің "кәмелетке толмаған баланың қауіпсіздігін қамтамасыз ету жөніндегі міндеттерін тиісінше орындамауы" дерегі бойынша қылмыстық іс қозғалды. Сотқа дейінгі тергеп-тексеру аясында бейнебақылау камераларындағы жазбалар алынып, қазір зерделеніп жатыр", – делінген полиция хабарламасында.
Еске салсақ, бұған дейін Ақмола облысында балабақшада жарақат алған 3 жасар қыз мүгедек болып қалғаны туралы жазған едік.
Алматылықтар үй сыртындағы тарихи тақталарды алып тастауға қарсы шықты
Желі қолданушысы: "Ғимараттардың сыртқы келбетін бұзатын кондиционерлер орнатуға, балкондарды әйнектеуге жол бермеу керек еді"
Абай облысында 180 миллиард теңге жұмсалған жол үгітіліп жатыр
Орталық: "Нысандарды пайдалануға беру және учаскелер бойынша қорытынды есептерді дайындау алдында барлық анықталған кемшілік толық жойылған"