Астанадағы мектепте жұмыс істемейтін қызметкерлерге 7 жыл жалақы мен сыйақы төленіп келген
Астанада мектеп бухгалтерлеріне сот үкімі шықты. Олар бірнеше жыл жұмыс істемеген қызметкерлердің жалақысы мен сыйақысын аударып отырған. Бұл туралы Stan.kz ақпарат агенттігі хабарлайды.
Тексеру қорытындысы бойынша қала прокуратурасы мектептердің бірінде бюджет қаражатын ұрлау фактілерін анықтады.
"7 жыл бойы жұмыс істемейтін мектеп қызметкерлеріне жалақы мен сыйақы заңсыз аударылған. Мемлекетке келтірілген шығынның жалпы сомасы 130 миллион теңгеден асады. Тергеу барысында мектеп қызметкерлері кінәсін толық мойындады”, – деп мәлімдеді қадағалау органы.
Сот қаскөйлерді жеті жылға бас бостандығынан айырды. Олардан мемлекет пайдасына келтірілген материалдық шығын өндірілді. Үкім заңды күшіне енді.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"