Астанада сегізінші сынып оқушысы мектеп терезесінен секіріп кеткен
17 сәуірде №72 мектеп-лицейдің 8-сынып оқушысы білім ошағының төртінші қабатының терезесінен секіріп кеткен. Бұл туралы Stan.kz ақпарат агенттігі хабарлайды.
Астана қаласы Білім басқармасының хабарлауынша, оқиға орнына дереу жедел жәрдем шақырылған. Бала ауруханада жатыр.
"Жәбірленушінің миы шайқалған, кеудесі мен іші жарақаттанған, оң жақ білегі мен оң аяғы сынған", - делінген хабарламада.
Қазір оқиғаның себептері анықталып жатқаны атап өтілді. Бұл факті бойынша қалалық полиция басқармасы қылмыстық іс қозғады.
Айта кетейік, бұған дейін 11 сәуірде олимпиадалық резервтегі мектеп-интернатында Бексұлтан есімді оқушының есінен танып, кейін көз жұмғаны туралы ақпарат тараған еді. Алайда жақындарының сөзінше, марқұм жоғары сынып оқушыларын әлімжеттік көрген. Аталған дерекке қатысты полиция күдіктінің ұсталғанын мәлімдеді.
"Қазақстандық өнімді сөреге қойғызбайды": Ақтаудан Алматыға бизнесін дамытуға келген кәсіпкер өндірісін жабуды ойлап жүр
Сөзінше, отандық өнімді қолдамай, оның тауарларына арналған сөре берілмейді.
1 миллион 200 мың теңге: Қазақстанның қай өңірінде мұғалімдер көп жалақы алады
Алматы облысында бір мұғалімнің айлық жалақысы 1 миллион 228 мың теңгеге жеткен