"Астана" командасының велошабандозы "Тур де Франстың" жалпы есебінде алғашқы ондықтан шығып қалды

"Тур де Франс" көпкүндік жарысының 12-күні өз мәресіне жетті. Пелетон тау жолдары арқылы 165,1 шақырымды еңсерді, деп хабарлайды Stan.kz ақпарат агенттігі. 

Кезекті жарыс күнінде INEOS Grenadiers командасының мүшесі британиялық Том Пидкок пен Israel-Premier Tech командасының мүшесі Крис Фрум бірінші және үшінші орынды иеленді. Ал екінші болып Intermarché-Wanty-Gobert Matériaux командасының өкілі, оңтүстікафрикалық Луис Мейнтджес мәре сызығынан өтті. 

"Астана" командасының велошабандозы Алексей Луценко 16-шы болып келіп, жарыстың жалпы есебіндегі 9-орыннан 11-орынға жылжыды. 

"Тур де Франс". 12-й кезең.  

Бриансон – Альп-д’Юэз. 165.1 шақырым:

1. Том Пидкок (Великобритания, INEOS Grenadiers) — 4:55:24 

2. Луис Мейнтджес (ЮАР, Intermarché-Wanty-Gobert Matériaux) — +0:48 

3. Крис Фрум (Великобритания, Israel-Premier Tech) — +2:06   

16. Алексей Луценко (Казахстан, "Астана") — +5:29.