Париж Олимпиадасының күміс жүлдегері Нұрбек Оралбайға жол талғамайтын көлік тарту етілді
Астана қаласының әкімі Жеңіс Қасымбек бокстан Париж Олимпиадасының күміс жүлдегері Нұрбек Оралбайға Land Rover Defender көлігінің кілтін табыс етті. Бұл туралы Stan.kz ақпарат агенттігі хабарлайды.
Фото: Жеңіс Қасымбек facebook парақшасынан
Елорда әкімі Олимпиада жүлдегеріне алғыс айтып, сәттілік тіледі.
“Нұрбек Оралбай еліміздің әрі қаламыздың атынан сынға түсті! Оның бұл жетістігінің артында мыңдаған сағаттық жаттығулар, сол сияқты отбасының, жаттықтырушысының және туыстарының қолдауы мен өзіне деген сенімі жатыр”, – деді әкім.
Сондай-ақ ол Олимпиада жүлдегерінің бапкері Асқар Еркебаевқа 10 миллион теңгенің (20,9 мың доллар) сертификатын табыстады.
Айта кетейік, бұған дейін Парижде өтіп жатқан Олимпиада ойындарында Нұрбек Оралбай финалда украиналық қарсыласын ұтылып, күміс медальге ие болған еді.
Алматыда бір айлық сәбидің басына төбеден біреу қаламсап лақтырған: Полиция тексеру бастады
Нұрахмет заттың нақты қай пәтерден лақтырылғанын анықтауды сұрап отыр
Қазақстан оқушылары басқа елдермен салыстырғанда қаншалықты жақсы оқиды?
PISA-2025 зерттеуіне “Цифрлық әлемде оқу” атты жаңа бағыт енгізілген