Әлеуметтік желілерде полицияның көшелерде, ойын-сауық мекемелерінде, тіпті медициналық ұйымдарда жастарды тоқтатып, алып кетіп жатқаны туралы бейнежазбалар жиі пайда болуда. Бұған көптеген қазақстандықтар наразы. Мансар 21 жаста, университетін бітіріп жатыр. Диплом алу үшін әскери комиссариаттағы кету парағына қол қоюы керек. Бірақ жігіт ол жаққа баруға қорқады, себебі бірнеше танысын бірден әскерге алып кеткен.

“11-сыныпты бітіргенде әскерге барғым келді. Бірақ әскери бөлімдердегі жантүршігерлік жағдайларды естіген соң ойым өзгерді. Қазір інім әскерде жүр. Ай сайын 3-4 рет хабарласып ақша сұрайды. Туған күн немесе кейбір мерекелер дейді. Бірақ бұл мереке үшін деп ойламаймын”, – дейді ол.

Статистикалық мәліметтерге сүйенсек, қазір әскерге шақырылуға жататын жастардың 15 пайызы ғана келеді. Күн тәртібінде шақыру учаскесіне келу әскерге шақырылушының міндеті болып табылады, бірақ заңда жалтарғандар үшін жауапкершілік қарастырылмаған. Әскери комиссариаттардың алдында бірқатар мәселелер тұр.

“Әскерге шақырылушылардың ата-аналары мен жақын туыстарының, сондай-ақ уақытша жұмыс істейтін жеке ұйымдары басшылығының жасыруы, шарттық негізде мемлекеттік қызмет көрсету саласында – яғни базарлар, кинотеатрлар, сауда үйлері, қоғамдық тамақтану орындары.

Екіншіден, тіркеуден шығарусыз тұрғылықты жерін өзгерту”, – дейді ҚР Қарулы Күштері Бас штабы Ұйымдастыру-жұмылдыру жұмыстары департаменті бастығының орынбасары Азамат Дүйсімов.

Қорғаныс министрі түсіндіргендей, шақыру комиссияларына мерзімін ұзарту себебін растайтын анықтамаларды уақытылы ұсынбағандар қате шақырулар алады. Мысалы, егер жас жігіттің баласы болса, онда ол нәрестенің туу туралы куәлігін көрсетуі керек, сонда 27 жасқа дейін ол әскерден босатылады. Студенттер оқу уақытында университеттен анықтама әкелуі керек. Сондай-ақ денсаулық жағдайына, отбасылық себептерге байланысты, діни қызметкерлерге кейінге қалдыруға рұқсат беріледі.

Талқылау