"АрселорМиттал Теміртау" басшысы күніне 1 миллион теңге жалақы алып отырған
Компания басқарушы Палаватху Кришнан Наир Биджуға 2021 жылы 375,9 млн теңге немесе айына 31,3 млн теңге төлегені белгілі болды. Бұл деректерді Finance.kz Telegram арнасы жариялады. Бұл туралы Stan.kz ақпарат агенттігі хабарлайды.
Finance.kz басылымының мәліметінше, компания басқарушысы бір күнде 1млн теңге жалақы алып отырған.
"2022 жылғы деректер жоқ, компания оларды жай ғана қаржылық есептілік депозитарийінің порталына жүктемеген. Алайда қаржылық есептер 31 тамызға дейін болуы тиіс еді. 2020 жылы Палаватху Кришнан Наир Биджу 344 миллион теңге алды. 2019 жылы оның алдындағы басшысы Парамжит Сингх Калон 328 миллион теңге алды. 2022 жылдың тамызында берілген соңғы есепке сәйкес, АрселорМитталдың 2021 жылы таза пайдасы 215 миллиард теңгені құрады" – делінген басылымда.
Еске салсақ, Қарағанды облысында Костенко атындағы шахтада жарылыс болғанын хабарлаған едік. Шахтадағы апаттан қаза болғандар саны 45-ке жетті.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған