АрселорМиталлға тексеріс жүргізетін компания таңдалып жатыр – Экология министрі
"АрселорМиттал" компаниясының қызметіне қатысты тексеріс басталады. Экология және табиғи ресурстар министрі Зүлфия Сүлейменова тексерісті сапалы жүргізетін компанияның таңдалып жатқанын айтты, деп хабарлайды Stan.kz ақпарат агенттігі.
"Тексеруді жүзеге асыратын компанияны таңдаймыз. Бізге бірнеше ұсыныс келіп түсті, оларды мұқият қарастырамыз. Өйткені тексеріс сапалы жүргізілуі керек. Осы аптада компанияны таңдап, содан соң "АрселорМиттал" қызметін тексеруге қатысты материалдарды әзірлеп жібереміз. Тексеріс құны компанияның баға ұсынысына қарай анықталады. Әзірге бюджет жағы нақтыланған жоқ. Сома тексерісті жүргізетін компания өткізетін іс-шараға байланысты белгіленеді", – деді Зүлфия Сүлейменова Үкімет отырысынан кейін БАҚ өкілдерінің сауалына жауап бере тұрып.
Еске салсақ, былтыр жыл соңында "АрселорМиттал Теміртау" компаниясына қоршаған ортаны ластағаны үшін 5,8 млрд теңге айыппұл салынған еді.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан