Арыстанбек Мұхамедиұлының ісі: Ұлттық мұражай директорының экс-орынбасары ұсталды
Сыбайлас жемқорлыққа қарсы қызмет бұрынғы Мәдениет және спорт министрі Арыстанбек Мұхамедиұлының ісіне қатысты Ұлттық мұражай директорының экс-орынбасары Алмаз Нұразханның ұсталғанын мәлімдеді, деп хабарлайды Stan.kz ақпарат агенттігі.
Тергеу мәліметіне сәйкес ол А.Мұхамедиұлы және өзге де тұлғалармен сөз байласқан. Сондай-ақ "Әлем мұражайлары бойынша Алтын адамның шеруі" халықаралық көрмесін жүзеге асыру кезінде 221 миллион теңгені жымқырды деп айыпталып отыр.
Астана қаласының мамандандырылған ауданаралық тергеу сотының санкциясымен А.Ш. Нұразхан 2 ай мерзімге қамауға алынды. Тергеу жалғасуда. Тергеу мүддесі үшін өзге ақпарат жария етуге жатпайды.
Алмаз Нұразхан әр жылдары “Қазақстан халқын рухани дамыту қоры" АҚ президенті, "Қазақстан Республикасының Ұлттық музейі" республикалық мемлекеттік қазыналық кәсіпорнының директоры қызметтерін атқарған. Сонымен қатар Қазақ хандығының 550 жылдығына арналған логотип авторларының бірі.
Қазақстанда мемлекеттік қызметкерлерге қосымша кәсіп ашуға рұқсат берілді: Бұл кімдерге қатысты
Алдын ала "бизнес бастадым" деп жариялау міндеті жоқ дейді агенттік
Қазақстанды дүр сілкіндірген оқиға: Өзінен 12 жас үлкен әйелмен некелескен Кристина Чернышева оның қолынан қалай көз жұмды
Қыздың денесі қаланың шетіндегі мола жанынан табылған