Ақтөбеде жанар-жағармай сорғы станциясы өртенді
Ақтөбеде жанар-жағармай айдайтын сорғы станциясы отқа оранды. Өрт сөндірушілер жалынды ауыздықтауға кіріскенше, тілсіз жау 126 шаршы метр аумақты шарпыған. Бұл туралы Stan.kz ақпарат агенттігі хабарлайды.
Төтенше жағдайлар департаментінің мәліметінше, оқиға 19 тамыз Ақтөбе қаласының Алматы ауданындағы 41-разъезде болған.
“ЖШС аумағында жанар-жағармай материалдарын айдауға арналған жеке тұрған бір қабатты сорғы станциясының ғимаратында өрт шықты.
Өрт аумағы 126 шаршы метрді құрады. Оқиға орнына келген ТЖМ қызметкерлері өртті жедел сөндірді”, – делінген хабарламада.
Зардап шеккендер жоқ. Өрттің шығу себебі анықталуда.
Намаз оқып, қызды салауатпен ұзатқан: Қазақстандықтар арасында тойдағы әрекет талқыға түсті (видео)
Жаңаөзендегі тойда дәстүрлі ән мен биге басымдық берілмеген
"Домбыра – харам, Наурызды тойлауға болмайды": Қоғамды дүрліктірген діни уағыздар және оған ҚМДБ не дейді
ҚМДБ өкілдері дінді насихаттауда шектен шықпауға шақырды