Әнші Нұрлан Әміров: Еркектің қыдырмайтыны жоқ, ол үшін сөкпеңіздер
«Нұрлан мен Мұрат» тобының әншісі Нұрлан Әміров ер адамдардың барлығының шетке қыдыратынын айтты. Әншінің пайымдауынша, ол үшін ер азаматтарды сөгудің қажеті жоқ.
Бұл туралы «Әйел бақыты» бағдарламасында айтылды.
Жалпы статистика бойынша, көбінесе 39 жастан асқан ер азаматтар жұбайының көзіне шөп салады екен. Бұл жаста адамдар жұбынан шаршайтын көрінеді. Бұл пікірмен әнші Нұрлан Әміров келісті.
«Басқа қызға қарайсың? Себебі сенің алғашқыда ғашық болған махаббатың өзінің сүйіспеншілігін, тартымдылығын жоғалта бастайды», – деді ол.
Бағдарлама қонақтарының бірі опасыздық жасау әркімнің санасына, одан кейін әке-шешесінің берген тәрбиесіне байланысты іс екенін айтып өтті. Бұл пікірмен әнші Нұрлан Әміров келіскен жоқ. Айтуынша, ер адамның іс-әрекеттеріне оның айналасындағы дос-жарандары немесе ортасы әсер етуі мүмкін.
«Қай әке-шеше болса да, баласына дұрыс тәрбие беруді көздейді. Екінші әсер ететін жайт – ол сенің ортаң. Неге бәрін ата-анаға жабуымыз керек? Мәселен, мен бір ортада жұмыс істеймін. Сонда белгілі бір ағаларымды мінсіз көріп, соларға еліктеуім мүмкін. Ол қыздарды қарата алғанда мен неге қарата алмаймын деген ой болады», – деді ол.
Жіберіп алмаңыз:
Тұңғышбай Жаманқұлов ұрланған 6 миллион теңгені мемлекетке қайтарып берді
Тойда ән айтқан Ибрагимовтің продюсеріне көпшілік әнші болуға кеңес берді (видео)
Тағы да сын: Денесіне татуировка салдырған Луина сөгіс естіді (фото)
«Кеш you» тобындағы Ақбота тұрмысқа шықты ма? (фото)