“Осы кезге дейін мен жұмыс істеген әртістерге қарағанда, Димаш эксперимент жасауда әлдеқайда ашық. Әртістердің көбі тың эксперимент жасаудан жасқанады, қалыптасқан аудиториясын үркітіп алудан қорқады. Сөйтіп жүріп, олардың шығармашылық репертуары біраз уақыттан кейін тоқырауға ұшырайды. Димаш – өнер адамдарының ішіндегі ең батылы. Ол өзінің жанкүйерлері Dears-ты қатты құрметтейді, бірақ сонымен бірге өнерде жаңашылдықтан да қорықпайды. Біздің шығармашылық ынтымақтастығымыз достыққа ұласты. Сол үшін менің алғысым шексіз. Музыканы тек әріптес ретінде емес, дос ретінде жазу әлдеқайда шынайы және қызық", – деп ағынан жарылды Дмитро Гордон.

Өнерінің арқасында дүниежүзінің ыстық ықыласына бөленген Димаш та сазгерге рақмет айтып, жылы лебізін білдірді.

“Менің "Smoke" атты жаңа туындым бұдан былай барлық музыкалық платформаларда қолжетімді. Естеріңізде болса, мен бұл әнді алғаш рет Гонконгтағы жеке концертімде орындаған едім. Бұл ән тыңдарманның жылы лебізіне де ие болып үлгерген еді. Осы орайда достарым Кэндис Келли мен Дмитро Гордонға аталған туындыны жасауға үлес қосқаны үшін ерекше алғыс айтқым келеді. Ән сіздердің көңілдеріңізден шықты деген үміттеміз! Жақында Будапешт пен Ыстамбұлда өтетін жеке концерттерімде кездескенше!”, – деп жазды Димаш Құдайберген.

Еске салайық, продюсер Димаш Құдайбергеннің Игорь Крутоймен қарым-қатынасын не үзгенін айтты.

Талқылау