"Көрмей кете алмадым": Димаш Құдайберген су тасқынынан зардап шеккен жерлестерімен кездесті

ҚР Халық әртісі, әнші Димаш Құдайберген су тасқынынан зардап шеккен ақтөбеліктермен кездесті. Бұл туралы Stan.kz ақпарат агенттігі хабарлайды. 

Фото: https://www.inform.kz/

Айта кетейік, әнші қиын сәтте жерлестерінің жанынан табылып, қайырымдылық қорына 15 миллион теңге қаржы аударды. 

"Бала кезден бастап тілеуімді тілеп, биікке қанат қағып, қалықтап жүрсін деген тілек тілеп жүрген жерлестерімнің қал-жағдайын білмей кете алмадым. Жаңалықтардан мемлекет тарапынан ауқымды сомада көмек беріліп жатыр дегенді оқып жатырмын. Ең бастысы, еліміз аман болсын, жұртымыз тыныш болсын", – деп тілек айтты әнші.  

• Құлсарыда су астында қалған үйін көруге кеткен әкесі мен ұлы іздестіріліп жатыр

• Су тасқыны салдарынан республикалық маңызы бар 14 автожол жабылды

Сондай-ақ өнер иесі жеке парақшасына видео жүктеп, өңір тұрғындарымен жүздесіп, орталықтарды аралады. 

“Бүгін Ақтөбеге келіп, судан зардап шеккен тұрғындармен кездестім. Оларға қиындықты еңсеруде мықты болуға шақырып, күшіміз бірлікте екенін айттым. Сонымен қатар қалада ашылған гуманитарлық көмекті үйлестіру орталығына барып, волонтер жастармен кездесіп, алғысымды білдірдім”, – деп жазды өнер иесі. 

Еске салайық, Димаш Құдайберген су тасқынынан зардап шеккендерге қолдау білдіргенін жазған едік. 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Dimash Qudaibergen (@kudaibergenov.dimash)