Соңғы жаңалықтар
Соңғы жаңалықтар

Pfizer вакцинасы 5 жастан асқан балаларға рұқсат етілуі мүмкін

Денсаулық сақтау министрі Алексей Цой жасөспірімдерді ғана емес, 5-12 жас аралығындағы балаларды да вакцинациялау мәселесі қарастырылып жатқанын хабарлады. Бұл туралы Цой Нұр-Сұлтанда өткен брифингте айтты, деп хабарлайды Stan.kz ақпарат агенттігі. 

Бұған дейін америкалық Pfizer вакцинасымен жүкті әйелдер мен 12-18 жас аралығындағы жасөспірімдерді вакцинациялау туралы сөз қозғалған болатын. Кейіннен Pfizer биофармкомпаниясы бұл вакцинаның 5-11 жас аралығындағы балаларға жақсы әсер ететінін хабарлады. 

Денсаулық сақтау министрі америкалық вакцинаның биылғы жылдың төртінші маусымында келетінін айтты.



Әзірге тіркеу куәлігінде 12 жастан асқан балаларға рұқсат етілгені жазылған. 

"Жас мөлшерінің өзгеруіне қатысты айтар болсам, зерттеу жүргізілген елдер нәтижені бекітіп, ресми түрде кеңес берілгеннен кейін, біз де қарастырамыз. Қазіргі уақытта 12 жастан асқан балаларға рұқсат етілген", – деді Цой. 

Жыл соңында 6 айдан асқан балаларға арналған вакцинаға қатысты зерттеулердің нәтижесі белгілі болатынын айта кетейік. 

Талқылау