Алматыдағы Атакент сауда орталығының маңында өрт шықты (видео)

Алматыда Атакент сауда орталығының аумағындағы дәмханадан өрт шықты. Бұл туралы Stan.kz ақпарат агенттігі хабарлайды.

Фото әлеуметтік желіден

Өрттің видеосы әлеуметтік желіде тарады. Төтенше жағдайлар департаментінің мәліметінше, әзірге дәмханадан үш газ баллоны шығарылған.

“Алматы қаласының өрт сөндірушілері Бостандық ауданындағы екі қабатты дәмханада шыққан өртті сөндіруде. Өрт сөндірушілер өрт орнынан үш газ баллонын шығарды. Зардап шеккендер туралы ақпарат түскен жоқ. Оқиғаның мән-жайы анықталуда”, – делінген хабарламада. 

Сағат 21:41-де департамент өрттің толықтай сөндірілгенін хабарлады. 

“ТЖМ күштерімен өрт толығымен сөндірілді. Зардап шеккендер жоқ”, – делінген хабарламада.