Алматыда ұшақ қызметкері 27 миллион теңге тұратын криптовалютаға арналған құрылғыны ұрлап кеткен
Әуе кемесінің бортсерігі ұшақтың зат қоймасынан жүйелі түрде жүктерді ұрлауды әдетке айналдырған, деп мәлімдеді ІІМ Көліктік полиция департаментінің баспасөз хатшысы Ләззат Қасымжанова. Бұл жайында Stan.kz ақпарат агенттігі хабарлайды.
Алматы халықаралық әуежайының полиция бөлімінің қызметкерлері жедел-іздестіру шаралары кезінде аса ірі көлемде ұрлық жасағаны үшін Қытайдан Қазақстанға жүк тасымалдаумен айналысатын әуе компанияларының бірінің бортсерігін әшкереледі.
Сотқа дейінгі тергеу кезінде күдікті тасымалданатын жүк қоймаларына еркін қол жеткізе отырып, әуе кемесінің жүк қоймасынан бірнеше рет зат ұрлағаны анықталды. Атап айтқанда, ол жеке материалдық мақсатта пайдалану үшін криптовалюта өндіруге арналған жабдықтарды қолды қылған.
"Келтірілген жалпы шығын көлемі 27 миллион теңгеден асады. Сотқа дейінгі тергеу жұмыстары аяқталды, қылмыстық іс сотқа жіберілді" ,- делінген көлік полициясының мәліметінде.
Талқылау
Радикализмнен қорғанудың жолы – иммунитет қалыптастыру: Теріс ағымнан сақтануда діни білімнің маңызы қандай
Әл-Фараби Болатжан: “Надандық бар жерде радикалдық ағым кең етек жая бастайды”
"Несиенің пайыздық мөлшерлемесі азаяды": Сарапшы коммерциялық банктер тұрғын үй жинағын енгізсе қандай өзгерістер болатынын айтты
Сарапшы: "Бұл ұзақ мерзімді перспективада банктік жүйеге де оң әсер етеді. Уақыт өте келе қаржыландыру арзандайды, яғни ставкалар төмендеп, неғұрлым қолайлы деңгейге жетеді”