Алматыда салынып бітпеген кей құрылыс нысандары тексерістен соң сүріледі
Алматыда ұзақ мерзімді құрылыс нысандарын тексеру басталды. Жоспардан тыс тексеру бастамасын қала тұрғындары ұсынды. Бұл жөнінде Stan.kz ақпарат агенттігі хабарлайды.
Тұрғындар аяқталмаған құрылыс жобаларына алаңдаулы.
"Аяқталмаған құрылыс жобалары балалардың қауіпсіздігі мен қолжетімділігіне қауіп төндіретіндіктен көптеген азаматтарды алаңдатады", – делінген хабарламада.
Тексеру нәтижелері бойынша бұзушылықтарды жою туралы ұйғарым шығарылады, ал қажет болған жағдайда қаулының орындалуын қамтамасыз ету үшін сотқа талап-арыздар беріледі.
Баяндамада азаматтардың өмірі мен денсаулығына қауіп төндіретін ұзақ мерзімді құрылыс нысандарының бұзылуы мүмкін екені атап өтілді.
"Нысан құрылысы бойынша жұмыстар 6 айдан астам мерзімге тоқтатылған кезде қоршаған ортаның қауіпсіздігін қамтамасыз ететін консервациялау жұмыстары жүргізілуі тиіс", – деп атап өтті әкімдіктің баспасөз қызметі.
Қазір қалада 1988 жылдан бері құрылысы бітпеген 17 нысан бар.