Алматыда Lufthansa неміс әуекомпаниясының өкілдігі ашылады
Көлік министрлігінің азаматтық авиация комитетінің төрағасы Талғат Ластаев Lufthansa Group неміс компаниясының Орталық Азия бойынша бас менеджері Бернхард Водлмен кездесті. Бұл туралы Stan.kz ақпарат агенттігі хабарлайды.
Екі тарап одан Қазақстан әуежайларында "әуе еркіндігінің" бесінші дәрежесін пайдалану мүмкіндігін, жүк тасымалы саласындағы ынтымақтастықты кеңейтуді және Қазақстан мен Германия арасындағы әуекомпанияның 2023-2024 жылдардағы күзгі-қысқы ұшуларын орындауды талқылады.
Бернхард Водль 1 қазаннан бастап Lufthansa Group компаниясы Алматыда өкілдік ашатынын хабарлады. Ол бүкіл Орталық Азия бойынша компанияның қызметіне жауапты болады.
Қазір Lufthansa компаниясының Қазақстандағы ұшақтары Астана мен Алматыға ұшады. Компанияның негізгі әуежайлары Мюнхенде, Майндағы Франкфуртта, Цюрихте орналасқан.
"Әскерден келген соң үйленеміз деп еді": Каспийде қаза тапқан сарбаздардың жақындары жанайқайын жеткізді
Жанардың айтуынша, отбасы Олжасты қуанышпен күтіп отырған
"Алдымен үйленейік, кейін Сирияға барайық": Бейтаныс адамдар әлеуметтік желі арқылы қазақстандықтарды қалай арбайды
Әлеуметтік желіде ер адамға Сирияға барып соғысуды ұсынған