Алматыда қандай жанармай бекеттерінде дизель отынына шектеу енгізілген
Жанармай құю станцияларының қайсысында дизель отынына шектеу бар. Қала әкімдігі Stan.kz ақпарат агенттігі сауалына жауап берді.
Әкімдік мәліметіне сүйенсек, бүгінгі таңда 4 жанармай құя станциялар желісі дизель отынына шектеу енгізген. Десе де нақты қанша литр көлемінде сататынын бекет өзі шешетін көрінеді.
“Қазіргі уақытта “Royal Petrol”, “Петрол Азия”, ”Sinooil”, “Газпромнефть” жанармай құю бекеттерінің желілерінде дизель отынын шектеулі түрде жіберу енгізілді. Аталған жанармай құю станцияларында шектеуді өз сұйыққоймаларындағы (резервуар) қорына сәйкес жоспарлау арқылы белгілейді. Ал “Гелиос” және “Қазақойл” жанармай құю бекет желілерінде дизель отыны еркін сатылымда”, - делінген әкімдік жауабында.
Еске салайық, бұған дейін Stan.kz Алматыдағы жанармай құю бекеттерінде 9 мың тоннаға жуық дизель отынының қалуына байланысты сатылымға шектеу енгізілгенін жазған еді.
Қазақстандықтар круизбен әлем аралаймыз деп сотталған әйелге алданып қалған
Жаннаның өзі де InCruises-ке құдағиының шақыруымен барған
"1,5 миллион теңге сұрайды": Қазақстандық желі қолданушылары "7-20-25" бойынша үй кезегіне күмән келтірді
Кей азаматтар ипотекалық брокерлер арқылы кезекті жылдамдатуға болатынын, мұндай "қызметтің" құны кемінде 1,5 млн теңгеден басталатынын айтуда