Соңғы жаңалықтар
Соңғы жаңалықтар

Алматыда жолаушыларға толы автобус өртеніп кетті (видео)

Бүгін таңертең Алматы көшелерінің бірінде жүріп келе жатқан автобус өртенді, деп хабарлайды Stan.kz ақпарат агенттігі. 

Таңғы сағат 08:30 шамасында Саин көшесінің бойында Шаляпин және Жандосов көшелерінің аралығында келе жатқан N 38 бағдарлы автобус өртеніп кетті.

"Сағат 08:27-де Әуезов ауданы, Саин көшесі, Шаляпин көшесінің қиылысы мекенжайында бағдарлы автобустың өртеніп жатқаны туралы хабарлама түскен соң, өрт сөндірушілер жедел аттанды. Келген бойда 38 автобустың өртенгені анықталып, оны сөндіру үшін көбікті қоспа қолданылды. Сондый-ақ автобус конструкциясын салқындату үшін қосымша көбік пайдаланылды", – деп хабарлады Алматы қаласы төтенше жағдайлар департаментінің баспасөз қызметі.

Өрт сөндірушілер жарты сағаттан аз уақыт ішінде өртті толық сөндірді.

Қалалық ТЖД төтенше жағдай салдарынан қайтыс болғандар мен зардап шеккендер жоқ екенін хабарлады. Өрт шыққан автобустан жүргізуші мен жолаушылар өз беттерінше шығып үлгерген.

Өрттің шығу себебі өрт-техникалық сараптмама барысында анықталады.

Талқылау