Аса қатыгездікпен өлтірілген Аяжан Еділованың денесі жер қойнына тапсырылды
Аяусыз өлтірілген 19 жастағы Аяжан Еділованы жер қойнына тапсырды, деп хабарлайды Stan.kz ақпарат агенттігі.
Бұл туралы "Не Молчи" қорында хабарлады.
"Бүгін, 2021 жылы 16 сәуірде Аяжан Еділова жерленді! Көңілді, белсенді, мақсаты анық, еңбекқор қыз 20 наурызға қараған түні кісі қолынан қаза болды. Туыстары Аяжанның денесінің бөліктерін мырыш табытта қабылдап алды ... Орны толмас қайғы, иманды болсын", - деп жазды қор өкілдері.
- "Оның етін жеген жоқпын": Аяжанның өліміне күдіктінің тергеушілерге не айтқаны белгілі болды
- Алматыдағы 19 жастағы қыздың жантүршігерлік өлімі: Желіде құрбанның лифтідегі видеосы жарияланды
Еске салсақ, осыған дейін 19 наурызда Алматыда 19 жастағы қыз түнде жұмыстан шығып үйіне оралмағаны туралы жазғанбыз.
Кейін жоғалып кеткен Алматы тұрғыны Аяжан Еділова өлі күйінде табылды. Алматы полициясы күдіктіні - Түркістан облысының тұрғыны, 1993 жылы туған азаматты ұстады.
Полиция пәтерге шабуыл жасаған кезде ол өзін өлтіруге тырысты.
Сосын Алматыда өлтірілген Аяжанның туыстары сұхбат берді. Сұхбат кезінде қыздың туыс ағасы оның басын қайнатып, тісін, тырнағын бөлек жұлып алғанын айтты.
