Алматы тауларында жоғалған әйел табылды
Алматы тауларында жоғалып кеткен Әлия Камиева Үлкен Алматы көлінің маңынан аман-есен табылды, деп хабарлайды Stan.kz ақпарат агенттігі.
Айта кетсек, 1980 жылы туған Әлия Камиева 5 шілде күні өзімен бірге телефонын алмай тауға шығып кеткен. 7 шілде күні әйелдің анасы құтқарушылардан көмек сұрады.
"Сағат 10.56-да Үлкен Алматы көлі маңында жоғалған Әлия Камиева табылды. Оның жағдайы ауыр деп бағалануда. Зардап шегушіні ауруханаға жатқызу қажет. Төтенше жағдайлар департаменті "Қазавиақұтқару" тікұшағының көмегімен ауруханаға жеткізу ұйымдастырылды", – деп хабарлады ТЖД.
Естеріңізге сала кетейік, іздестіру-құтқару жұмыстарына құтқарушылардың ең көп саны жұмылдырылды. Әйелді Республикалық жедел-құтқару жасағының, "109" құтқару қызметінің қызметкерлері және 75 волонтер іздеді. Сондай-ақ іздеу жұмыстарына дрон қолданылды.
Талқылау
"Несиенің пайыздық мөлшерлемесі азаяды": Сарапшы коммерциялық банктер тұрғын үй жинағын енгізсе қандай өзгерістер болатынын айтты
Сарапшы: "Бұл ұзақ мерзімді перспективада банктік жүйеге де оң әсер етеді. Уақыт өте келе қаржыландыру арзандайды, яғни ставкалар төмендеп, неғұрлым қолайлы деңгейге жетеді”
"Ауаға ең күшті улы заттар тарады": Экологтар Алматыдағы қоқыс полигонының өртіне байланысты дабыл қақты
Экологист мұндай апат қандай жағдайлардың салдары екенін талдап айтып берді