Алматы облысының жаңа әкімі тағайындалды
Қасым-Жомарт Тоқаев Алматы облысының әкімі лауазымына Марат Сұлтанғазиевті тағайындады, деп хабарлайды Stan.kz ақпарат агенттігі.
"Марат Елеусізұлы Сұлтанғазиев Алматы облысының әкімі лауазымына тағайындалсын", – делінген президент қаулысында.
Ал бұған дейін Алматы облысын басқарған Қанат Бозымбаев басқа жұмысқа ауысуына байланысты қызметінен босатылды.
Марат Сұлтанғазиев 1976 жылы Алматы облысында дүниеге келген. Абай атындағы Алматы мемлекеттік университетін, Қазақ мемлекеттік заң академиясын, Т. Рысқұлов атындағы Қазақ экономикалық университетін тәмамдаған. Мамандығы бойынша — экономист-қаржыгер, заңгер, іскерлік әкімшілендіру магистрі.
Еңбек жолын 1997 жылы Салық бөлімінің заңды тұлғаларды тексеру бөлімінің бірінші санатты маманы болып бастаған. Сонымен қатар Алматы қаласы салық комитетінде, Қаржы министрлігінде лауазымды қызметтер атқарған. Мемлекеттік кірістер комитетінің төрағасы болып та жұмыс істеген.