"Алдымен анасына тағзым етеді": Гүлзира Айдарбекова өзін сынағандарға жауап берді

Танымал продюсер Гүлзира Айдарбекова ұлы Қайрат Нұртасқа қатысты сынағандарға жауап берді. Бұл туралы Stan.kz ақпарат агенттігі хабарлайды. 

Фото: https://www.instagram.com/gulziraaidarbekova/

36 жасқа толған Қайрат Нұртас туған күні болған түні ата-анасының үйіне келіп, анасын құттықтаған еді. “Әйелі мен бала-шағасы қайда?!”, “Шешесінің қасынан шықпайды” деп әнші сынның астына қалған еді. 

“Неге өз баламды өзімнен қызғанасыздар екен? Дұрыс, азамат алдымен анасына тағзым етеді. Өмір бергеніңіз үшін деп. Содан соң бала-шағасы, отбасымен тойлай береді. Түнде 12-ден аса маған келді, енді Алла бұйырса отбасына ұшты”, – деп жауап берді продюсер.

• "Жылағанда дауысы әдемі әрі аянышты шықты": Гүлзира Айдарбекова ұлы Қайрат Нұртастың туған күнінде ерекше жазба жариялады

• "Мені шын жақсы көрсе, қолдан ыстық нан жабады": Гүлзира Айдарбекова келіндеріне қойған талабын айтты

Одан кейін бала анасын жоғары қойса, оған еш ренжудің қажеті жоғын айтты. Сөзінше, ата-ана разы болуы керек екен. 

“Алладан соң анасын жоғары қойса, оған еш ренжімеңіз. Керісінше отбасыңызға үлгі болсын. Ата-ананың разылығы, дұғасы болмаса, жер басып жүрудің өзі күнә шығар. Оған қарсымын дегендер, баласы мен анасын бір-біріне қарсы қойғандар сайтанның азғыруындағы мүсәпірлер дер едім”, – деп ашуланып қалды Гүлзира Үсенқызы. 

Айта кетейік, Жұлдыз Әбдікәрімова Қайрат Нұртасты туған күнімен құттықтауын оқырмандары көп күткенін жазған едік.